Bərdədə xeyli silah-sursat polisə könüllü təhvil verildi
Bərdədə vətəndaşlar silah-sursatlarını könüllü şəkildə polisə təqdim ediblər.
Bu barədə Bərdə rayon polis şöbəsindən məlumat verilib.
Bildirilib ki, Bərdə rayon Polis Şöbəsinin əməkdaşları qanunsuz saxlanılan silah-sursatın aşkarlanması və gələcəkdə baş verə biləcək cinayətlərin qarşısının alınması istiqamətində keçirdikləri profilaktiki tədbirlər nəticəsində iki nəfər Gəncə şəhər və Yevlax rayon sakinləri bir neçə il bundan əvvəl tapdığı silah-sursatı könüllü olaraq polisə təqdim edib.
Gəncə şəhər sakini Əliyev Taleh Ələkbər oğlu Bərdə rayon polis şöbəsinə gələrək özündə saxladığı 2 ədəd kalaşnikov avtomat silahını, 260 ədəd 7,62 mm kalibirli, 30 ədəd 5,45mm kalibrli patronları, 2 ədəd süngü bıçağı ə, 5 ədəd avtomat darağı, 2 ədəd əl qumbarası polisə gələrək könüllü təhvil verilmişdir. İlkin araşdırma zamanı Taleh Əliyev təhvil verdiyi silah sursatı təxminən iki il əvvəl Gəncə şəhərində məcburi köçkünlərin məskunlaşdığı yataqxananın zirzəmisindən aşkar edərək özündə saxlamışdır. Son zamanlar sosial şəbəkələrdə silah sursatı könüllü təhvil verən şəxslərin cinayət məsuliyyətindən azad olunması və həmin silah sursatı təhvil vermə barədə çağırışları oxuyub biləndən sonra Bərdə rayon polis şöbəsinə etibar etdiyi üçün bu səbəbdən öz təşəbbüsü ilə polisə gələrək qanunsuz saxladığı silah sursatı könüllü olaraq təhvil vermək üçün qərarına gəlib.
Bundan başqa Yevlax rayon sakini Əsədov Vüqar Cəfər oğlu Bərdə rayon polis şöbəsinə gələrək özündə saxladığı 1 ədəd kalaşnikov avtomatını, 82 ədəd 7.62 mm kalibirli patronu, 2 ədəd süngü bıçağını 3 ədəd müxtəlif silahlıların darağını, 1 ədəd F1 əl qumbarasınə və partlayıcını könüllü təhvil vermişdir. İlkin araşdırma zamanı Vüqar Əsədov təhvil verdiyi silah sursatı birinci Qarabağ müharibəsini zamanı, Qarabağ iqtisadi zonasından əldə edərək özündə saxlayıb.
Sözügedən silah-sursat müvafiq ekspertizaya təqdim olunub.
Faktlarla bağlı Bərdə rayon polis şöbəsinin təhqiqat bölməsində araşdırmalar davam etdirilir.
